25.8.04

Dauði og djöfull!

Jæja. Síðasta nótt var eins leiðinleg og hægt er að hugsa sér. Ég komst að því að ég er 6 fet og 5 tommur á hæð eða í kringum 195 cm. Ég hafði EKKERT að gera síðustu nótt... engar kvikmyndastjörnur að leika, ekki einusinni statistar að leika.... það var bara ENGINN á staðnum. Til allrar hamingju tók ég með mér bók og var ágætlega duglegur við að lesa hana í nótt. Maður verður samt bara svo hrikalega þreyttur á því að lesa... og það er ekki gott í mínu starfi! Þar sem ég lét plata mig í tvær næturvaktir á þessum hörmulega stað, held ég að ég verði að finna mér eitthvað til dundurs í kvöld. Tek allavega bókina með og gítarinn til að stytta sjálfum mér stundirnar... Hver veit nema að Julia Stiles komi í heimsókn í kvöld og taki undir með mér á gítarinn.

Nú fer að styttast í Browninn... get ekki sagt annað en að mig hlakki til. Ætla að kaupa miðan á morgun og svo er að skipuleggja Funk partý ársins. Djöfull verður þetta gaman!

Jæja, ég ætla að fara að fá mér að éta og hafa mig svo til fyrir vakt dauðans.

24.8.04

Ég lifi í draumi...

Já, þá er kallinn bara orðinn atvinnuflugmaður með blindflugsáritun! Fékk skírteinið í hendurnar í dag og er mjög sáttur við lífið og tilveruna í augnablikinu. Mamma og Pabbi að reyna að koma mér út til Bahamas til að fljúga þar. Get ekki neitað því að það hljómar mjög spennandi...

Í nótt verð ég að sinna því verðuga verkefni að tryggja öryggi Forest Whitaker og Juliu Stiles á meðan þau leika í kvikmyndinni Little Trip To Heaven. Ætli maður komist á creditlistann fyrir þetta?? Kemur í ljós...

Aldrei á ævinni hef ég heyrt mann vera jafn æstan yfir fólki hlaupa eins og aðstoðarmann Samúels Arnar íþróttafréttamanns á Ólympíuleikunum. Ég var að horfa á undanúrslit í 400 metra hlaupi kvenna og ég get svo svarið það; það heyrðust bara brak og brestir þegar hlaupinu var að ljúka, svo æstur var aðstoðarmaður hanns. Þvílíkt og annað eins! Hey, félagi... slakaðu á! Ef mig langar til að heyra hærra í þér, þá hækka ég í sjónvarpinu. Þvílík hvað maðurinn var spenntur yfir 8 kjellingum á hlaupum! Djís!

Fór í pool í gær með Daða og Júlla, vantaði bara Matta til að drekka allan bjórinn og Dabba til að pikka upp allar kjellingarnar sem voru á staðnum. Algjör snilld!

Jæja, best að græja sig fyrir bíóið. Ætli ég megi taka með mér popp og kók til að muncha á, á meðan ég horfi á þau leika..?!